زي مافي عجائب دبي في عجائب غزة احلى

مرحبا احبائي ( خاص باهل غزة )

طرح في المنتدى عجائب دبي السبعة وبصراحة حلوة بس في عجائب لمدينة غزة لسة مافي حد شافها وهي اكثر بكثثير من سبعة

بس شو بدي اعطيكم سبعة زي ما في بدبي ولا يهمكم يلا عدو ورايا بس خايف يصير سكتات قلبية عند الاعضاء

1. وادي غزة : -

اكبير مجمع للمجاري في العالم حيث يسع الكثير والكثير وكل مجاري فلسطين بتصصب فيه

2. رمزون الشجاعية :-

اكبر واسخم رمزون في العالم واكثر غباء سواقين واكثر شووشرة في العالم

3.سوق البسطات :-

عاد هادا قلق اكبر سوق بسطات في العالم الكل مبسط في الشارع والدكاكين انسى قلق كبيره كبيرة والبياعين عليهم لسان انسى وبتلاقي الناس فوق بعض من كتر الزحمة

4. وسائل النقل الفاخرة :-

طيب زي ما في دبي سيارات لموزين وسيارات سباق عنا احسن طبعا لانها كلها بتستهلك بنزيييين وبتعمل تلوث في البيئة وعلشان هيك غزة حريصة كتير على هيك اشي علشان كده خلو وسيلة المواصلات بالكارات يعني حمير وبعدين اوفر من البنزين بتشتريله باربعة شيكل برسيم بقولك يا سيدي ..

5. معبر ايرز :-

يا سلام يا هيك معابر يا بلاش اكبر معبر للانتظار في العالم يعني الواحد لما يسافر في دبي من ولاية لولاية بسافرو عبر الطيارة وبياخدو ساعات قليلة لاكن احنا عنا لما بدك تروح على الضفة بدك شهر لما يطلعلك تصريح وكمان شهر لما تخش المعبر وكمان شهر لما يتحرو منك يعني غير شكل مش زي اهل الامارات بدون ما يفحصو الواحد ولا يتاكده من صحت كلامو احنا في تحريات هذا كله على شان سلامتنا !!

6. سوق المعسكر :-

اكبر سوق خضرة في العالم عاد في دبي بتلاقي ببيعو التفاح بالحبة لأ احنا عنا بالكيلو بعدين عندهم ببيعو في محلات مسكره
قال ايش خايفين على الخضرة من الدبان والصراصير ليش طيب عنا احنا الدبان بكون يعف على الخضرة عف وما بنكلمو ليش حرام مش من حقو يعيشي التاني !! خليه يترزق يعني حتى الدبان ملاحقينو على عيشتو مش بكفي اليهوود ...

7. اضخم باخرة تايتنيك في العالم :-

وهذه اكبر باخرة تايتانيك في العالم قال اجو الاجانب يصورور عليها فيلم تايتانيك بس احنا ما رضينا ( يعني كيف ياخذو حقوقنا ) ويقولو للناس هادي تايتانيك احنا بدناش عجائبنا تطلع لبرة مش حلوة ... بعدين ايش صناعة غزاوية فاخرة ...

8. شاطئ بحر غزة :--

زي ما انتو شايفين انضف بحر في العالم كله في دبي الناس بيسبحو يمكن .. وايش قال ممنوع حد ينزل الا بمايوه ووممنوع نزول غير البني ادمين بس ... طيب ليش عاد احنا احسن منهم ... عنا بنسبح الحمير والحصن والكلاب وكلو وبتلاقيهم بسبحو معانا بكل حنية واحترام لانو احنا بنحب نحترم الطبيعة والمخلوقات لانهم من حقهم يعيشو زينا بعني مش بكفي اليهود منكدين علينا عيشتنا حرام والله احنا انكد عليهم خليهم يفرحو التانيين ... من حقهم يعيشو بامن وامان

9.ميناء غزة الدولي :-

هادا عدا بدو شرح كتير بس بكفي هالكلمتين بقولك هادا اضخم واكبر مينا في العالم حيث يصل طولة 100 متر وعرضه 2.5 متر وايش بتلاقي كل البواخر متجمعا جمبو والسمك بنغل نغل هناك ..... مش زي دبي ...

10. سوق الفراس :-

طبعا هادي مش صورة السوق لاني ملقيتش صور الو من كتر حلاوته مش راضيين يصوروره علشان الحسد طبعا لقيت صورة بتشبهو حطيتها بس طبعا سوقنا احلا من هيك ...

يا سلام بديش احكي كتيييييير هذه طبعا اكبر سوق في عالم للخردة بتلاقي فيه الي بدك اياه طبعا ببيعو فيه حمير كمان و خضرة وكل اشي يعني مش متخصص في اشي واحد زي الي في دبي يعني عنا بتلاقي في السوق ايش ما بدك مش بتسافر من مكان لمكان علشان تجيب شغلة واحدة ...

------------------------------------------------------------------------------------------------------

السلام عليكم

مشكور اخي علي الصور وبارك الله فيك علي مشاركاتك النمفيدة معنا

الشفق الباكى كتب:: السلام عليكم
مشكور اخي علي الصور وبارك الله فيك علي مشاركاتك النمفيدة معنا

اختي العزيزة هاااد مجرد تسوية بين دبي وغزة مش صور
وشكرا

مشكور اخي حارس المنتدى على الصور تحياتي ابو الزعيم